Titelfoto von "Gsachd is gsachd"

 

"Gsachd is gsachd!" ist fertig und kann erworben werden! Sie können das Buch über die Homepage oder telefonisch oder per Mail! bestellen!

 Das Buch umfasst 102 Seiten und kostet 8,90€!

Rezension über meinen literarischen Werdegang:

 

Kostproben aus "Gsachd is gsachd!":

 

Ringdurner

(Fünf Freindla ausn Durnverein, där Franz, där Herberd, där Helmut, där Xaver und där Charly, underhaldn si iibers Durner)

 

Mensch, Herberd, hodds miich gesdern vo däm bläidn Barrn roughaud! Gfloung wäi a nasser Sagg Zemend!“, sachd där Franz.

Däs is nu goar nix, Franz, wall miich hodds suu vo däm Scheiß-Regg noubfefferd, dass i gmaand hobb, iich mou meine sämdlichn Gnochn aanzln nummeriern!“, sachd där Herberd.

Edds häärd amool goud zou, Boum“, maand där Helmut, „mich hodds bei där Hoggn suu därmoosn vom Kasdn noublädderd, dass i di Engala hobb singa häärn! Und du, Xaver?“

Ich hobb miär beim Drambolinschbringer asuu is Hinderdeil brelld, dass i dachd hobb, iich schdäih nämmer aaf! Mei Hindern is edds nu ganz belzi! Und is dir nou aa wos bassierd, Charly?“, froochd där Xaver.

Dreimool därfsd roodn! Mich hodds beim Abgang vo di Ring furchdboar därbräisld!“,sachd där Charly.

Und, därzüll hald? Hosdder am End aa wäih dou, Charly?“, froochd där Xaver nooch.

Iich ned, abber di andern“, sachd där Charly.

Däs verschdäihi edds ned. Worum nou nacherdla di andern und ned du?“, froochd där Herberd.

No, dou woar ungligglicherweise und ganz zufällich leider där Maddnwoong daneem gschdandn“, därzülld där Charly.

Und?“ froong alle vier.

No, aaf däm sänns alle droomghoggd und homm zougschaud und bläid dabei glachd, wäis miich vo di Ring nouglassn hodd!“

Und nou?“, froochd där Franz.

Däi hobbi alle abgraamd!“

 

Gsachd is gsachd

Däs koosd hunderdmool zriggnehma

naa, dou hilfdder alles nix

alles, wosd edds nu sagsd

is völlich fiär di Kadds

wall gsachd is gsachd

und su wäisders gsachd hosdd

hosdders aa gmaand

und wäisders gmaand hosdd

hosdders aa gsachd

däs häsdder scho vuurher iiberleeng mäin

wosd soong willsd

und wosd besser ned sagsd

und wäisders maaner dousd

wosd soong häsdd wolln

und ned ärschd nachherdla daherkumma

wennsders scho gsachd hosdd

und bläddsli oohgschlichn kumma

wäi a reidicher Hund

und si bläid eischleima wolln

wall däs läffd ned

däs soochider:

Wall gsachd is gsachd!

A halbe Schdund schbäder:

Kumm,

sämmer hald widder goud middnander!

Du wärsders scho ned grood suu gmaand hoom

wäisders gsachd hosdd, odder?“

 

Außerdem schreibe ich natürlich immer neue Kurzgeschichten,

Erzählungen und Gedichte. Das nächste Buch gibt´s also ganz bestimmt

im Laufe der nächsten Jahre! Es wird wahrscheinlich "AUGEN-BLICKE"

heißen!

 

Hier geht´s zur nächsten Seite:

Texte über die Gemeinde Kammerstein